उत्तराषाढा नक्षत्र वैदिक ज्योतिषमा २१औँ नक्षत्र हो। यो धनु राशिको २६°४०' देखि मकर राशिको १०°००' सम्म फैलिएको छ। यसलाई "उत्तर आषाढा" पनि भनिन्छ, जसको अर्थ "पछिल्लो विजय" वा "अजेय" हुन्छ।

प्रतीक (Symbol)
हात्तीको दाँत , सानो चारपाई (small bed) वा मञ्च (Stage/Platform) यसले विजय, शक्ति, स्थिरतालाई जनाउँछ।

देवता (Deity)
विश्वेदेवहरू – सार्वभौमिक देवता वा दस देवताहरूको समूह, जसले धर्म, सत्य, न्याय, सद्गुण र विश्वव्यापी कल्याणको प्रतिनिधित्व गर्छन्।

स्वामी ग्रह (Lord)
सूर्य (Sun)। यसले नेतृत्व, अधिकार, आत्मविश्वास, प्रतिष्ठा र ऊर्जा दिन्छ।

प्रकृति (Nature)
मानव प्रकृति, यो नक्षत्र स्थिर, दृढ र दीर्घकालीन सफलताका लागि उत्तम मानिन्छ।

व्यक्तित्व गुण (Personality)
उत्तराषाढा नक्षत्रमा जन्मिएका व्यक्ति सामान्यतया आकर्षक, शान्त, विनम्र, ईमानदार, जिम्मेवार र नेतृत्व क्षमता भएका हुन्छन्। उनीहरू धार्मिक/आध्यात्मिक, परम्परागत मूल्यहरूको सम्मान गर्ने, मेहनती, दयालु र सामाजिक हुन्छन्। उनीहरूमा दृढ संकल्प, सत्यनिष्ठा र उच्च नैतिकता हुन्छ। बाल्यकाल सुखमय पछि चुनौतीहरू आउछन् तर अन्ततः विजयी हुन्छन्।

सकारात्मक पक्ष (Positive Aspects)

1. नेतृत्व क्षमता र विजयी स्वभाव
2. ईमानदारी, कर्तव्यनिष्ठा र नैतिकता
3. दीर्घकालीन लक्ष्य प्राप्त गर्ने क्षमता
4. आकर्षक व्यक्तित्व, राम्रो बोलचाल र सामाजिक सम्मान
5. धर्म/सत्यको लागि लड्ने र अरूको भलाइमा रुचि
6. स्थिरता, धैर्य र सफलताको लागि अटल प्रयास

चुनौतीपूर्ण पक्ष (Challenging Aspects)

1. प्रारम्भिक जीवनमा असफलता वा संघर्ष
2. अरूसँग साझेदारी गर्दा सावधानी चाहिने (विश्वासघातको सम्भावना)
3. स्वास्थ्यमा आँखा, पेट वा हृदयसम्बन्धी समस्या हुन सक्छ

करियर र रुचि क्षेत्र (Career & Interests)

1. नेतृत्वकारी भूमिका, प्रशासन, राजनीति, सरकारी जागिर, न्यायिक क्षेत्र, सेना/प्रहरी,
2. व्यवस्थापन, शिक्षा, लेखन, प्रकाशन, कानुन, खेलकुद (विशेष गरी क्रिकेट/कुस्ती), 
3. निर्माण, वन/वन्यजन्तु सम्बन्धी काम, धर्म/आध्यात्मिक क्षेत्रमा सफल हुन्छन्।
4. उनीहरू उच्च पद प्राप्त गर्ने, सामाजिक सेवा, NGO वा ठूला संगठनमा राम्रो गर्छन्।
5. सूर्यको प्रभावले राजकीय/प्रतिष्ठित क्षेत्रमा रुचि बढाउँछ।